එරාවුර් ප්‍රදේශයේ පුද්ගලයෙකු පැහැරගෙන ගොස් දින 06ක් රඳවා තබාගෙන ඔහුගේ මුදල් කොල්ල කෑ අයෙක් එරාවුර් පොලිසිය අත්අඩංගුවට ගෙන තිබෙනවා.
පැහැර ගැනීමට ලක්වූ පුද්ගලයාගේ මුදල් රුපියල් තුන්ලක්ෂ හැටපන්දහසක් වන අතර ඔහුගේ ජාතික හැඳුනුම්පත සහ විදේශ ගමන් බලපත්‍රය සොරාගෙන ගොස් ඇති බවට පසුගිය 02 වැනිදා පැමිණිල්ලක් ලැබුණු බව පොලිසිය පවසයි.
ඒ අනුව පරීක්ෂණ පවත්වා ඊයේ (03) පස්වරුවේ සිද්ධියට සම්බන්ධ සැකකරුවෙකු අත්අඩංගුවට ගෙන තිබෙනවා.
අත්අඩංගුවට ගත් සැකකරු තිරුනාවේලි ප්‍රදේශයේ පදිංචි 43 හැවිරිදි පුද්ගලයෙකි.
මෙම කොල්ලය සඳහා සැකකරු තවත් සැකකරුවන් කිහිප දෙනෙකුගේ සහය ලබාගෙන ඇති අතර එම සැකකරුවන් අත්අඩංගුවට ගැනීම සඳහා එරාවුර් පොලිසිය වැඩිදුර විමර්ශන සිදුකරයි.
