මීපේ දෙකඳුවල පාර ප්‍රදේශයේ ගල්කොරියක අඩි හතලිස් පහක පමණ උසක සිට බිමට පතිත වූ ගලක කොටසක් බිම වැඩ කරමින් සිටි දෙදෙනෙකුගේ සිරුරේ ගැටී සිදු වූ අනතුරින් බරපතල තුවාල ලබා හෝමාගම මූලික රෝහලට ඇතුලත් කළ එක් පුද්ගලයකු මියගොස් ඇතැයි පාදුක්ක පොලිසිය පවසයි.
මෙසේ මියගොස් ඇත්තේ පාදුක්ක බටවල වල්පිට අංක 206 / 63 හි පදිංචි කරුණාරත්න ජයසේකර මුදියන්සේලාගේ පත්මසිරි වසන්ත නමැති (53) හැවිරිදි දෙදරු පියෙකු බව පොලිසිය කියයි.
මියගිය පුද්ගලයා ගල් කොරිවල බෝර දමන්නෙකු වන අතර ඔහු තවත් පුද්ගලයෙකු සමඟ මීපේ දෙකදුවල පාර ප්‍රදේශයේ ගල් කොරියක ඉහලින් බෝරයක් දමා කැඩී බිමට වැටුණු ගල් කොටස් එකතු කරමින් සිට තිබේ.
එම අවස්ථාවේදී අඩි 45 පමණ උසක සිට තවත් ගල් කොටසක් එක්වරම බිමට වැටී එහි කොටස් පහළ වැඩකරමින් සිටි දෙදෙනාගේ සිරුරේ ගැටේ අනතුරක් සිදුව තිබුණි.
