පිරිමි පන්දුවාර විස්සයි 20 ක්‍රිකට් තරගයක දී එක් පන්දු වාරයක දී වාර්තා කරන ලද වැඩිම ලකුණු සංඛ්‍යාව වාර්තා කිරීමට සැමෝවා කණ්ඩායම සමත් වී තිබෙනවා.
ඒ තනි ඕවරයක දී ලකුණු 39ක් වාර්තා කරමින්.
සැමෝවා කණ්ඩායමේ ඩේරියස් විසර් මෙම ලකුණු 39 වාර්තා කර තිබුණේ වනුවාටු රාජ්‍යයේ ක්‍රීඩක නලින් නිපිකෝට එරෙහිවයි.
එහි දී අදාළ පන්දු යවන්නා එම පන්දුවාරයේ දී නිලකුණු පන්දු 3ක් ද යොමු කර තිබුණා.
මෙම තරගය ICC පිරිමි T20 ලෝක කුසලාන උප කලාපීය නැගෙනහිර ආසියානු පැසිෆික් සුදුසුකම් ලැබීමේ A කාණ්ඩයේ තරගයක් ලෙස ක්‍රියාත්මක වූවක්.
