බොහෝ දෙමාපියන්ට ජාත්‍යන්තර හෝ පෞද්ගලික පාසල් දැරිය නොහැකි බැවින් දරුවන් වෙනුවෙන් හෙට දිනයේ සේවයට පැමිණෙන ලෙස වැඩබලන අධ්‍යාපන අමාත්‍ය බන්දුල ගුණවර්ධන මහතා සියලුම ගුරුවරුන් සහ විදුහල්පතිවරුන්ගෙන් අද ඉල්ලා සිටියේය.
ගුරුවරුන්, විදුහල්පතිවරුන්, ගුරු උපදේශකවරුන් සහ පිරිවෙන් ගුරුවරුන් විසින් දියත් කරන ලද අසනීප නිවාඩු ව්‍යාපාරය පිළිබඳව මාධ්‍ය වෙත අදහස් දක්වමින් ඔහු සඳහන් කළේ දිවයිනේ ජාත්‍යන්තර පාසල් 400 ක් පමණ වර්ජනවලින් තොරව අධ්‍යාපනය ලබා දෙන බවයි.
රටේ පෞද්ගලික පාසල් 95ක් තිබෙන අතර ඉන් 57කට රජය වැටුප් ගෙවන අතර වෙනත් වරප්‍රසාද ලබා දෙනවා. මෙම පාසල් ළමුන් 150,000 ක් පමණ අධ්‍යාපනය ලබන අතර ගුරුවරුන් 5,664 ක් සේවයේ යෙදෙනවා. ඉතිරිව ඇති රජයේ අනුමත පෞද්ගලික පාසල්වල අධ්‍යයන කටයුතු සම්බන්ධයෙන් කිසිදු ගැටලුවක් වාර්තා වෙලා නෑ.
රජයේ සේවකයන්ගේ වැටුප් විෂමතා ගැන සොයා බැලීමට 2022 දී කැබිනට් අනුකමිටුවක් පත් කළා. කමිටු වාර්තාවට අනුව 2022 වසරේ ගුරු ශ්‍රේණි (3)2 සඳහා සියයට 14 ක වැටුප් වර්ධකයක් (රු. 3,750) ද, පළමු ශ්‍රේණියට සියයට 26 ක වැටුප් වර්ධකයක් ද (රු. 17,720) ලබා දී තිබෙනවා. ආර්ථික අර්බුදය සැලකිල්ලට ගෙන 2023 දී ගුරුවරුන් ඇතුළු සමස්ත රාජ්‍ය අංශයටම රුපියල් 10,000 දීමනාවක් ලබා දුන්නේ ජනාධිපතිතුමාගේ ඉල්ලීම පරිදියි.
යැයිද ගුණවර්ධන අමාත්‍යවරයා පැවසීය.
පසුව 2022 අමාත්‍ය මණ්ඩල අනුකමිටුව මගින් හඳුනාගත් ගැටලුවලට විසඳුම් සෙවීම සඳහා ජනාධිපතිවරයා විසින් විද්වත් කමිටුවක් පත් කරන ලද බවත්, පවතින වැටුප් විෂමතා ගැටලු 2025 අයවැයෙන් විසඳීමට විද්වත් කමිටුව තීරණය කළ බවත් අමාත්‍ය ගුණවර්ධන මහතා පැවසීය.
එබැවින් අහිංසක පාසල් දරුවන් වෙනුවෙන් හෙට සිට රාජකාරියට පැමිණෙන ලෙස අමාත්‍ය ගුණවර්ධන මහතා සියලුම ගුරුවරුන් සහ විදුහල්පතිවරුන්ගෙන් ඉල්ලා සිටියා.
