ක්‍රිස් සිල්වර්වුඩ් ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු ධුරයෙන් වහාම ක්‍රියාත්මක වන පරිදි ඉල්ලා අස්වී තිබේ. සිල්වර්වුඩ් 2022 අප්‍රේල් මාසයේ සිට කණ්ඩායමේ ප්‍රධාන පුහුණුකරු ලෙස සේවය කළේය. ක්‍රිකට් පරිපාලනය ඔහුගේ ධුර කාලය අප්‍රේල් මාසයේදී මේ වන විට පැවැත්වෙන T20 ලෝක කුසලානය අවසන් වන තෙක් දීර්ඝ කරන ලදී.
ශ්‍රී ලංකා ක්‍රිකට් ප්‍රධාන විධායක නිලධාරී ඈෂ්ලි ද සිල්වා පැවසුවේ සිල්වර්වුඩ් තම කොන්ත්‍රාත්තුව තවදුරටත් දීර්ඝ කිරීමට කැමතිද යන්න පිළිබඳව අධ්‍යක්ෂ මණ්ඩලය අභ්‍යන්තර සාකච්ඡා කිරීමට පෙර ඉල්ලා අස්වීමේ තීරණය දැනුම් දුන් බවයි.
ජාත්‍යන්තර පුහුණුකරුවෙකු වීම යනු ආදරය කරන අයගෙන් බොහෝ කාලයක් ඈත්ව සිටීමයි. මගේ පවුලේ අය සමඟ සහ බර සිතින් දිගු සංවාදයකින් පසු, මට නැවත නිවසට පැමිණ එකට ගුණාත්මක කාලයක් ගත කිරීමට කාලය පැමිණ ඇති බව මට හැඟේ.
සිල්වර්වුඩ් ශ්‍රී ලංකා ක්‍රිකට් ආයතනයේ ක්‍රීඩකයින්ට, පුහුණුකරුවන්ට, පසුපෙළ කාර්ය මණ්ඩලයට සහ කළමනාකාරීත්වයට ස්තුතිය පුද කළ අතර, තමා ශ්‍රී ලංකාවේ ගත කළ කාලයෙන් “බොහෝ සොඳුරු මතකයන් රැගෙන යන” බව පැවසීය.
ඔහුගේ මඟ පෙන්වීම යටතේ ශ්‍රී ලංකාව 2022 වසරේ විස්සයි-20 ආසියානු කුසලානය ජයග්‍රහණය කළ අතර ඔහුගේ පාලන කාලය යටතේ 2023 එක්දින ආසියානු කුසලානයේ අවසන් මහා තරගයටද පිවිසියේය.
කෙසේ වෙතත් මෙම කාලය තුළ ශ්‍රී ලංකාව ලෝක කුසලාන දෙකක ඉතා දුර්වල ක්‍රීඩා විලාස පෙන්නුම් කරන ලදී. ඔවුන් පසුගිය වසරේ පැවති එක්දින ලෝක කුසලාන තරඟාවලිය 9 වැනි ස්ථානය ලබා අවසන් කල අතර එහි ප්‍රතිඵලයක් ලෙස 2025 චැම්පියන්ස් කුසලානයට සුදුසුකම් ලැබීමට ඔවුන් අපොහොසත් විය. ඔවුන් දකුණු අප්‍රිකාවට සහ බංග්ලාදේශයට එරෙහිව පරාජයට පත්ව පළමු වටයෙන්ම දැනට පැවැත්වෙන 2024 T20 ලෝක කුසලානයෙන් ද ඉවත් විය.
ශ්‍රී ලංකා ක්‍රිකට් ප්‍රධාන පුහුණුකරු තනතුර සඳහා සුදුසු අයෙකු සෙවීම ආරම්භ කරන බවද තනතුර සඳහා දේශීය පුහුණුකරුවන්ද සලකා බැලෙන බවද වාර්තා වේ.
