මෙවර මහ මැතිවරණයට අදාළ මැතිවරණ ප්‍රචාරක කටයුතු සඳුදා මධ්‍යම රාත්‍රියෙන් අවසන් වීමට නියමිතයි.
ඒ අනුව මැතිවරණ ප්‍රචාරක කටයුතු සඳහා ඇත්තේ තවත් දින 5ක් පමණයි.
මෙවර මහ මැතිවරණය 14 වැනි බ්‍රහස්පතින්දා පැවැත්වීමට නියමිතය.
මේ අතර මහ මැතිවරණයට අදාළ තැපැල් ඡන්ද සලකුණු කිරීමේ කටයුතු අද (07) සහ හෙට (08) සිදු කිරීමට නියමිතයි.
ඔක්තෝබර් 30 සහ නොවැම්බර් 01 සහ 04 යන දිනවල තැපැල් ඡන්දය සලකුණු කිරීමට නොහැකි වූ ත්‍රිවිධ හමුදා කඳවුරු සහ අනෙකුත් සියලුම රාජ්‍ය ආයතනවල ඡන්ද දායකයින්ට තැපැල් ඡන්දය සලකුණු කිරීමට අද අවස්ථාව ලබාදී ඇති බව මැතිවරණ කොමිසම ප්‍රකාශ කළා.
ඒ අනුව ඔහු රාජකාරි කරන ස්ථානවලට අදාළව තැපැල් ඡන්ද සලකුණු කිරීමේ කටයුතු දිස්ත්‍රික් ලේකම් කාර්යාලයේදී සිදු කළ හැකි බව ද එම කොමිසම ප්‍රකාශ කළා.
