මේ වසරේ ගතවූ කාලසීමාව තුළ දුම්රිය පීලිපැනීම් 86ක් සිදුව තිබේ.
2023 වසරේ පීලි පැනීම් 139ක් සිදුව ඇති බව දුම්රිය දෙපාර්තමේන්තු ආරංචි මාර්ග සඳහන් කරයි.
එමෙන්ම 2022 වසරේ වාර්තා වී ඇති දුම්රිය පීලි පැනීම් සංඛ්‍යාව 132 කි.
2021 සහ 2020 දී පිළිවෙළින් දුම්රිය පීලි පැනීම් 115ක් සහ 98ක් සිදුව ඇති බව දුම්රිය දෙපාර්තමේන්තු ආරංචි මාර්ග සඳහන් කරයි.
මේ අතර දිගින් දිගටම සිදුවන දුම්රිය ප්‍රමාදයන් සහ දුම්රිය අවලංගු කිරීම් සම්බන්ධයෙන් නිසි විසඳුම් ලබාදීමට පාලනාධිකාරිය අපොහොසත් වුවහොත් ඊට එරෙහිව වර්ජනයක නිරත වන බව දුම්රිය ස්ථානාධිපතිවරුන්ගේ සංගමය පවසයි.
දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න මහතා සඳහන් කළේ අමාත්‍යවරයාගේ මැදිහත්වීමෙන් මේ සම්බන්ධයෙන් සාකච්ඡාවක් අද පැවැත්වීමට නියමිත බවයි.
