ශ්‍රී ලංකා පොදුජන පෙරමුණේ කෑගල්ල ප්‍රාදේශීය සභාවේ හිටපු මන්ත්‍රී ක්‍රිෂාන්ත පුලස්ති මහතා සිය නිවසේ ඇඳක් මත අත්පා බැඳ දමා තිබියදී මියගොස් තිබේ.
ඊයේ (28) පෙරවරුවේ කෑගල්ල, කොස්සින්න ප්‍රදේශයෙන් මෙම සිද්ධිය වාර්තා විය.
මියගොස් ඇත්තේ බුළුරුප්ප, හෙට්ටිමුල්ල ප්‍රදේශයේ පදිංචිව සිටි 75 හැවිරිදි පුද්ගලයෙකි.
ඔහුගේ බිරිඳගේ මුවෙහි ප්ලාස්ටර් අලවා නිවසේ අල්මාරි සියල්ල විවෘත කර තිබූ බව පොලීසිය පැවසීය.
සැකකරුවන්ගේ පහරදීමෙන් කාන්තාවද තුවාල ලබා කෑගල්ල රෝහලට ඇතුළත් කර ඇත්තේ පොලිසියයි.
සොරකම් කරන ලද මෝටර් රථය පිංදෙණිය පොලිස් වසමේ දමා ගොස් තිබියදී සොයා ගෙන ඇත.
මහේස්ත්‍රාත් පරීක්ෂණයෙන් පසු මෘත ශරීරය කෑගල්ල රෝහලේ මෘත ශරීරාගාරයේ තැම්පත් කර ඇති අතර, පහරදීමට හේතුව හෝ සැකකරුවන් සම්බන්ධයෙන් මෙතෙක් කිසිදු තොරතුරක් අනාවරණ වී නැහැ.
සැකකරුවන් අත්අඩංගුවට ගැනීම සඳහා කෑගල්ල පොලිසිය වැඩිදුර විමර්ශන සිදු කරයි.
