ජාඇළ, ඒකල ප්‍රදේශයේදී පුද්ගලයෙකු ඝාතනය කිරීමේ සිද්ධියක් සම්බන්ධයෙන් සැකකරුවන් 5 දෙනෙකු අත්අඩංගුවට ගෙන තිබෙනවා.
පොලිසිය පැවසුවේ ඒකල ප්‍රදේශයේ මාර්ගයක ගමන් කරමින් සිටි පුද්ගලයෙකුට තියුණු ආයුධවලින් පහරදී ඝාතනය සිදුකර ඇති බවයි.
ඝාතනය සිදුකළ සැකකරු සහ ඝාතනයට සහය වූ පුද්ගලයින් සිව් දෙනෙකු අත්අඩංගුවට ගෙන ඇති අතර ඝාතනයට යොදාගත් මන්නා පිහි දෙකක් සහ පොලු කිහිපයක් පොලිස් භාරයට ගෙන තිබෙනවා.
මෙලෙස අත්අඩංගුවට ගෙන ඇත්තේ ජාල ප්‍රදේශයේ පදිංචි වයස අවුරුදු 22, 33, 45, 48 සහ 65 යන වයස් සීමාවල පසුවන පුද්ගලයින් බවයි පොලිසිය සඳහන් කළේ.
