CoV-2, Covid-19 වසංගතය පිටුපස ඇති වෛරසය, ආසාදනයෙන් වසර ගණනාවක් හිස් කබලේ සහ මෙනින්ජස්වල පවතින අතර එය මොළයට දිගුකාලීන බලපෑමක් ඇතිකළ හැකි බව නවතම අධ්‍යනයකින් හෙළිව තිබෙනවා.
ජර්මානු අධ්‍යයනයකින් මෙම කරුණ අනාවරණය වී ඇති බවයි විදෙස් මාධ්‍ය පෙන්වා දෙන්නේ.
Helmholtz Munich සහ Ludwig-Maximilians-Universitat (LMU) හි පර්යේෂකයන් සොයාගෙන ඇත්තේ SARS-CoV-2 ස්පයික් ප්‍රෝටීන් මොළයේ ආරක්ෂිත ස්ථරවල — මෙනින්ජස් සහ හිස් කබලේ ඇටමිදුළු ආසාදනයෙන් වසර හතරක් දක්වා පවතින බවයි.
මෙම ස්පයික් ප්‍රෝටීන බලපෑමට ලක් වූ පුද්ගලයින් තුළ නිදන්ගත දැවිල්ල ඇති කිරීමට සහ ස්නායු විකෘතිතා රෝග ඇතිවීමේ අවදානම වැඩි කිරීමට හේතු වී ඇති බවයි මෙම කණ්ඩායම සොයාගෙන ඇත්තේ.
Helmholtz Munich හි බුද්ධිමය ජෛව තාක්‍ෂණ ආයතනයේ අධ්‍යක්ෂ මහාචාර්ය Ali Ertürk පැවසුවේ දිගු කාලීන ස්නායු ආබාධවලට “මොළයේ වයසට යාම වේගවත් වීම, බලපෑමට ලක් වූ පුද්ගලයින්ගේ මොළයේ ක්‍රියාකාරිත්වය වසර 5 සිට 10 දක්වා අඩුවීමට හේතු විය හැකි” බවයි.
මෙම ස්පයික් ප්‍රෝටීන බලපෑමට ලක් වූ පුද්ගලයින් තුළ නිදන්ගත දැවිල්ල ඇති කිරීමට සහ ස්නායු විකෘතිතා රෝග ඇතිවීමේ අවදානම වැඩි කිරීමට වගකිව යුතු බව කණ්ඩායම සොයාගෙන තිබෙනවා.
අධ්‍යයනය සඳහා පර්‍යේක්ෂණ කණ්ඩායම SARS-CoV-2 ස්පයික් ප්‍රෝටීනය මොළයට බලපාන්නේ කෙසේද යන්න තේරුම් ගැනීමට නව AI බලයෙන් ක්‍රියා කරන රූපකරණ තාක්‍ෂණයක් යොදාගෙන තිබෙනවා.
ආසාදනයෙන් වසර ගණනාවකට පසුව පවා හිස් කබලේ ඇටමිදුළුවල සහ මෙනින්ජස්වල ස්පයික් ප්‍රෝටීන් සාන්ද්‍රණය සැලකිය යුතු ලෙස ඉහළ ගොස් ඇති බව සොයාගැනීම් මගින් අනාවරණය වී ඇත්තේ.
