නීතිවිරෝධී ලෙස එකලස් කළ මෝටර් රථයක් භාවිත කිරීමේ චෝදනාව යටතේ අත්අඩංගුවට ගත් හිටපු රාජ්‍ය අමාත්‍ය ලොහාන් රත්වත්තේ සහ ඔහුගේ බිරිඳ ලබන 18 වනදා දක්වා රක්ෂිත බන්ධනාගාර ගත කර තිබෙනවා.
ඒ ඔවුන් අද (07) නුගේගොඩ මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.
හිටපු රාජ්‍ය අමාත්‍ය ලොහාන් රත්වත්තේ මහතාගේ බිරිඳ වන රෂී ප්‍රභා රත්වත්තේ මහත්මියට අයත් මිරිහාන අම්මුදෙණිය හෝල් පාරේ තෙමහල් නිවසක නවතා තිබී අංක තහඩු නොමැති සුඛෝපභෝගී මෝටර් රථයක් පසුගියදා සොයා ගැණුනා.
ඒ අනුව අදාළ රථය සම්බන්ධයෙන් මිරිහාන පොලිසිය සිදුකළ පරීක්ෂණවලදී එය නීතිවිරෝධී ලෙස එකලස් කරන ලද මෝටර් රථයක් බවට අනාවරණ වුණා.
ඒ අනුව අදාළ මෝටර් රථය සම්බන්ධයෙන් මිරිහාන පොලිසිය සිදුකළ පරීක්ෂණවලදී එය නීති විරෝධී ලෙස එකලස් කරන ලද මෝටර් රථයක් බවට අනාවරණ වුණා.
අදාළ මෝටර් රථය සම්බන්ධයෙන් සිදුකළ විමර්ශනයට අනුව වට්ස්ඇප් හරහා ලැබුණු දැනුම්දීමකට අනුව රත්වත්තේ මහතාගේ බිරිඳ වන රශී ප්‍රභා රත්වත්ත මහත්මිය නුගේගොඩ මහේස්ත්‍රාත් අධිකරණයේ පසුගිය 04 වැනිදා පෙනී සිටියාය.
එහිදී ඇය ද අද දක්වා රක්ෂිත බන්ධනාගාර ගත කෙරුණා.
ඒ අනුව සැකකාර රත්වත්තේ යුවළ අද පෙරවරුවේ නුගේගොඩ මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 18 වැනිදා දක්වා නැවත රක්ෂිත බන්ධනාගාර ගත කෙරුණා.
