වසර 05ක ව්‍යාපෘති කාලසීමාවක් සහිතව කිලෝමීටර 100,000ක මාර්ග පුනරුත්ථාපනය කිරීමේ වැඩසටහන 2020 වර්ෂයේදී ආරම්භ කර කළේය.
2023 වර්ෂයේ සිට අවශ්‍ය ප්‍රතිපාදන නොලැබීම හේතුවෙන් එම වැඩසටහන යටතේ රුපියල් බිලියන 28.37 ක හිඟ බිල්පත් පියවීමට ඉතිරිව ඇත.
එමෙන්ම අත්‍යාවශ්‍ය මාර්ග ප්‍රතිසංස්කරණ කටයුතු සඳහා 2024 වර්ෂයේදී රුපියල් බිලියන 20ක් වෙන් කර ඇති අතර, ඒ යටතේ ප්‍රතිසංස්කරණය සඳහා කිලෝමීටර් 1000ක් හඳුනාගෙන ඇත.
එම වැඩසටහන් දෙක යටතේ පියවිය යුතු හිඟ බිල්පත් පියවීම සඳහා 2024 වසර සඳහා අමාත්‍යාංශයට වෙන්කර ඇති නමුත් මෙතෙක් භාවිත නොකළ ප්‍රතිපාදන කළමනාකරණය කිරීමට කැබිනට් අනුමැතිය හිමිව ඇති බව කැබිනට් ප්‍රකාශක අමාත්‍ය විජිත හේරත් මහතා පැවසීය.
ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යවරයා විසින් මෙම යෝජනාව ඉදිරිපත් කරන ලදී.
