2024 ඔක්තෝම්බර් මාසයේදී නිකුත් කරන ලද නවතම Henley විදේශ ගමන් බලපත්‍ර දර්ශකයට අනුව, සිංගප්පූරුව නැවතත් ලෝකයේ බලවත්ම ගමන් බලපත්‍රය ලෙස තේරී පත් විය.
බලපත්‍රය පුරවැසියන්ට රටවල් 195කට වීසා රහිත ප්‍රවේශය ලබා දෙයි.
නවතම ශ්‍රේණිගත කිරීම්වලට අනුව රටවල් 192කට වීසා රහිත ප්‍රවේශය ලබා දෙමින් ප්‍රංශය, ජර්මනිය, ඉතාලිය, ජපානය සහ ස්පාඤ්ඤය දෙවන ස්ථානයට පත්ව ඇත.
එක්සත් ජනපදය 8 වැනි ස්ථානයේ සිටින අතර එහි පුරවැසියන්ට රටවල් 186කට වීසා රහිත ප්‍රවේශය ලබා දී ඇත.
මේ අතර, ඉන්දියාව 83 වන ස්ථානයට පත්ව ඇති අතර එහි පුරවැසියන්ට රටවල් 58 කට වීසා රහිත ප්‍රවේශය ලබා දී ඇත.
ශ්‍රී ලංකාව මෙම දර්ශකයේ ස්ථාන 105 කින් 95 වැනි ස්ථානයට පත්ව ඇති අතර එය සිය පුරවැසියන්ට ලෝකයේ රටවල් 44 කට වීසා රහිත ප්‍රවේශය ලබා දෙයි.
Henley Passport Index විසින් ලොව බලවත්ම ගමන් බලපත්‍ර ශ්‍රේණිගත කිරීමක් පසුගියදා නිකුත් කර ඇති අතර, වීසා නොමැතිව ගමන් කළ හැකි රටවල් සංඛ්‍යාව, ඔවුන්ගේ ජාත්‍යන්තර ගිවිසුම් සහ ජාතියේ රාජ්‍යතාන්ත්‍රික සබඳතා මත මෙම ශ්‍රේණිගත කිරීම් සිදු කර ඇති බව විදෙස් මාධ්‍ය වාර්තා කරයි.
