සංවිධානාත්මක අපරාධකරුවෙකු ලෙස ප්‍රකට පලනි ශිරාන් ක්ලෝරියන් මත්ද්‍රව්‍ය ජාවාරමෙන් උපයාගත් රුපියල් කෝටි 8කට ආසන්න මුදලක තහනමකට ලක්ව තිබේ.
ඒ ත්‍රස්ත විමර්ශන කොට්ඨාශය සහ නීතිවිරෝධී වත්කම් විමර්ශන අංශය එක්ව සිදුකළ විමර්ශනයකින් අනතුරුවයි.
සැකකරු මේ වන විට මත්ද්‍රව්‍ය චෝදනා මත ඉන්දියාවේ සිරගතව සිටී.
කොළඹ ප්‍රදේශය කේන්ද්‍ර කරගනිමින් මත්ද්‍රව්‍ය ජාවාරමට සම්බන්ධ බව කියන පලනි ශිරාන් ක්ලෝරියන්ගේ දේපළ සම්බන්ධයෙන් ලැබුණු තොරතුරකට අනුව ත්‍රස්ත විමර්ශන කොට්ඨාශය සහ නීතිවිරෝධී වත්කම් විමර්ශන අංශය එක්ව පරීක්ෂණයක් සිදුකළා.
ඒ අනුව විමර්ශන නිලධාරීන් විසින් වත්තල බලගල පාරේ අදාළ පුද්ගලයා ඉදිරිපිට දෙමහල් නිවසක් සහ සුඛෝපභෝගී මෝටර් රථයක් සොයා ගෙන ඇත.
සැකකරු මත්ද්‍රව්‍ය ජාවාරමෙන් උපයාගත් දේපළක් බවත් ඒ අනුව රුපියල් කෝටි අටක පමණ දේපළ තහනම් කර ඇති බවත් පැවසේ.
ක්ලබ් වසන්ත ඝාතනය කළ වෙඩික්කරුවන් පලායාම සඳහා මිලදී ගෙන ඇති බවට සැක කෙරෙන සැකකරුට අයත් බෝට්ටුවක් ද සොයා ගැනීමට විමර්ශන නිලධාරීන් සමත් වී ඇති බව විමර්ශන නිලධාරීහු පවසති.
ශිරාන් ක්ලෝරියන් නැමැත්තා කුඩු සෙල්වි නැමැත්තියගේ පුත්‍රයා බව පොලීසිය පැවසීය.
