තම ස්වාමිපුරුෂයා වන විජය කුමාරතුංග මහතා දේශපාලන හේතූන් මත ඝාතනය කළ පරිදි තමාව ද ඝාතනය කිරීමේ කුමන්ත්‍රණයක් ඇතැයි සැක මතුව තිබෙන බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය පවසයි.
තමාට ලබා දී ඇති ආරක්ෂක නිලධාරීන් අඩු කිරීම සම්බන්ධයෙන් මහජන ආරක්ෂක අමාත්‍යාංශයේ ලේකම් රවී සෙනෙවිරත්න මහතා වෙත ලිපියක් යවමින් හිටපු ජනාධිපතිවරයා මේ බව සඳහන් කර ඇත.
අදාළ ලිපියේ වැඩිදුරටත් දැක්වෙන්නේ ජ්‍යෙෂ්ඨ නියෝජ්‍ය පොලිස්පති අජිත් හේමසිරි මහතා පසුගිය ඔක්තෝම්බර් 31 වැනිදා නිකුත් කළ ලිපියෙන් තම ආරක්ෂක බලකාය 50 සිට 30 දක්වා අඩු කිරීමට නියෝග කර ඇති බවයි.
අනෙකුත් හිටපු ජනාධිපතිවරුන්ට 243 සහ 200 සහ 109 දෙනෙකුගෙන් යුත් ආරක්ෂක කණ්ඩායම් ලබා දෙන අතර ඔහුට ආරක්ෂකයින් 30 දෙනෙකු පමණක් ලබා දීමට තීරණය කළේ කුමන නිර්ණායක අනුවද යන්න ඔහු ප්‍රහේලිකාවක් බව අදාළ ලිපියේ වැඩිදුරටත් සඳහන් වේ.
එමෙන්ම විශ්‍රාමික ජනාධිපතිවරුන් පස්දෙනා අතරින් වැඩිම තර්ජන එල්ල වී ඇත්තේ තමා බවත් ඝාතන තැතකින් තුවාල ලැබූ එකම ජනාධිපතිනිය තමා බවත් හිටපු ජනපතිනිය සිය ලිපියෙන් වැඩිදුරටත් පෙන්වා දී ඇත.
විශ්‍රාම ගියත් තමන්ව මරා දමන බවට 2006 සහ 2014 වසරවලදී එල්.ටී.ටී.ඊ සංවිධානය ප්‍රසිද්ධියේ ප්‍රකාශ නිකුත් කළ බවට පොලිස් බුද්ධි අංශ වාර්තා මගින් තමාට දැනුම් දුන් බවද හිටපු ජනපතිනිය එම ලිපියේ සඳහන් කර ඇත.
එසේ තිබිය දී හිටපු ජනාධිපති මහින්ද රාජපක්ෂ මහතාට හමුදා නිලධාරීන් 63ක් සහ පොලිස් නිලධාරීන් 180කින් යුත් ආරක්ෂක නිලධාරීන් 243 දෙනෙක් සහ මෛත්‍රීපාල සිරිසේන මහතාට පොලිස් නිලධාරීන් 109ක්, ගෝඨාභය රාජපක්ෂ මහතාට පොලිස් නිලධාරීන් 25ක් සහ හමුදා නිලධාරීන් 175කින් යුත් ආරක්ෂක නිලධාරීන් 200කගේ ආරක්ෂාවක් සිටිය දී තමාගේ ආරක්ෂාව 50 සිට 30ට අඩුකර ඇති බව චන්ද්‍රිකා කුමාරතුංග මහත්මිය මහජන ආරක්ෂක අමාත්‍යාංශ ලේකම්වරයාට යොමු කළ ලිපියේ වැඩිදුරටත් දැක්වේ.
බලයට පත් වූ විට ප්‍රභූ ආරක්ෂාවක් නොලැබෙන බව ජනතා විමුක්ති පෙරමුණේ නායකයන් ප්‍රකාශ කළත් බලයට පත් වූ පසු ආණ්ඩුවේ ප්‍රධානීන්ට සිය ගණනක් ආරක්ෂක අංශ ලබා දුන්නේ රජයත් පිළිගන්නා නිසා දැයි හිටපු ජනාධිපතිවරයා අදාළ ලිපියෙන් ප්‍රශ්න කර තිබේ. අපේ රටේ ප්‍රභූවරුන්ට යම් ආරක්ෂාවක් තිබිය යුතුයි කියලා.
