ශ්‍රී ලංකාවේ විස්තීරණ ණය පහසුකම (EFF) යටතේ ඇති තෙවැනි සමාලෝචනය පිළිබඳව සාකච්ඡා කිරීමට ජාත්‍යන්තර මූල්‍ය අරමුදලේ කණ්ඩායමක් ළඟදීම ශ්‍රී ලංකාවට පැමිණෙන බව IMF ආසියා පැසිෆික් කලාපයේ අධ්‍යක්ෂක ක්‍රිෂ්ණා ශ්‍රීනිවාසන් මහතා පැවසීය.
ජාත්‍යන්තර මූල්‍ය අරමුදල අද (01) පැවැත්වූ විශේෂ ප්‍රවෘත්ති සාකච්ඡාවේදී ඔහු වැඩිදුරටත් කියා සිටියේ නව රජය දිවුරුම් දීමෙන් පසු ජාත්‍යන්තර මූල්‍ය අරමුදලේ නියෝජිතයින් ශ්‍රී ලංකාවට පැමිණ ජනාධිපතිවරයා ඇතුළු කණ්ඩායම සමඟ ඵලදායී සාකච්ඡා පැවැත්වූ බවයි.
ඊට අදාළ සාකච්ඡා සඳහා ශ්‍රී ලංකා කණ්ඩායමක් වොෂින්ටනයට පැමිණි බවත් ශ්‍රී ලංකාවේ නව රජය ජාත්‍යන්තර මූල්‍ය අරමුදලේ (IMF) වැඩසටහන සඳහා සිය කැපවීම යළිත් තහවුරු කර ඇති බවත් ක්‍රිෂ්ණ ශ්‍රීනිවාසන් මහතා වැඩිදුරටත් සඳහන් කළේය.
