කොළඹ – කොටුව සිට කන්කසන්තුරය දක්වා දුම්රිය ධාවනය අද (28) සිට යළි ආරම්භ කර තිබෙනවා.
දුම්රිය මාර්ගයේ නවීකරණ කටයුතු අවසන් වී මාස 10කට පසු යාල්දේවි සහ රජරට රැජින දුම්රිය නැවත ධාවනය ආරම්භ කරන බව දුම්රිය දෙපාර්තමේන්තුව පවසයි.
උතුරු දුම්රිය මාර්ගයේ දුම්රිය ධාවනය යළි ආරම්භ කිරීමෙන් යාල්දේවි දුම්රිය කොළඹ කොටුව සහ කන්කසන්තුරේ අතරත්, රජරට රැජින දුම්රිය කොටුව සහ අනුරාධපුරය අතරත් ධාවනය කෙරෙන බව නියෝජ්‍ය දුම්රිය සාමාන්‍යාධිකාරී එන්.ජේ. ඉදිපොලගේ මහතා පවසයි.
