ඇල්පිටිය ප්‍රාදේශීය සභා මැතිවරණයට අදාළව තැපැල් ඡන්ද සලකුණු කිරීමේ අවසන් දිනය අද (18) වේ.
මැතිවරණ කොමසාරිස් සමන් ශ්‍රී රත්නායක මහතා පැවසුවේ මෙතෙක් තැපැල් ඡන්ද භාවිත කිරීමට නොහැකි වූ ඡන්දදායකයින්ට අද දිනයේ ඒ සඳහා අවස්ථාව ලබා දී ඇති බවයි.
ඒ අනුව තම සේවා ස්ථානයේ තැපෑලෙන් ඡන්දය ප්‍රකාශ කිරීමට නොහැකි වූ සියලුම තැපැල් ඡන්ද දායකයින්ට තම ආයතනය නියෝජනය කරන දිස්ත්‍රික්කයේ දිස්ත්‍රික් මැතිවරණ නිලධාරිවරයා ඉදිරියේ තම තැපැල් ඡන්දය සලකුණු කිරීමට අවස්ථාව ලැබී ඇති බව ඔහු පැවසීය.
