කෙසෙල්වත්ත පොලිස් වසමේ ටෙක්නිකල් හන්දිය ප්‍රදේශයේදී අද (07) අලුයම තියුණු ආයුධයකින් පහරදීමෙන් කාන්තාවක් මිය ගොස් ඇති බව කෙසෙල්වත්ත පොලිසිය පවසයි.
මියගොස් ඇත්තේ 32 හැවිරිදි කාන්තාවක් වන අතර ඇයගේ ස්ථිර ලිපිනය මෙතෙක් අනාවරණ වී නොමැති බවයි පොලිසිය පැවසුවේ.
මියගිය පුද්ගලයා සහ තවත් පුද්ගලයෙකු අතර ඇතිවූ පෞද්ගලික ආරවුලක් මත මෙම ඝාතනය සිදුව ඇති බවටයි විමර්ශනයේදී අනාවරණ වී ඇත්තේ.
ඝාතනයට සම්බන්ධ සැකකරු හඳුනාගෙන ඇති අතර, ඔහු අත්අඩංගුවට ගැනීම සඳහා කෙසෙල්වත්ත පොලිසිය වැඩිදුර විමර්ශන සිදු කරයි.
