ද (01) මධ්‍යම රාත්‍රියේ සිට ක්‍රියාත්මක වන පරිදි බස් ගාස්තු සියයට 4.24 කින් අඩු කරන බව ජාතික ගමනාගමන කොමිෂන් සභාව පවසනවා.
ඒ අනුව අවම ගාස්තුව රුපියල් 27 දක්වා අඩු කරන බවයි එම කොමිසම පවසන්නේ.
ඉන්ධන මිල අඩු කිරීමට සාපේක්ෂව බස් ගාස්තු අඩු කරන බව ජාතික ගමනාගමන කොමිෂන් සභාව නිවේදනය කරයි.
පසුගිය ජුලි මස 02 වැනිදා සිදුකෙරුණු අවසන් ගාස්තු සංශෝධනයේදී බස් ගාස්තුව 5.07%කින් අඩු කර ඇත.
ඒ අනුව දැනට පවතින අවම බස් ගාස්තුව රුපියල් 28කි.
නමුත් අගෝස්තු මාසයට අදාළ ඉන්ධන මිල සංශෝධනයේදී බස් ගාස්තු අඩු කළේ නැහැ.
ඒ අනුව මේ වසරේ බස් ගාස්තු අඩු කිරීමට ජාතික ගමනාගමන කොමිෂන් සභාව තීරණය කර ඇත.
කෙසේ වෙතත්, ඉන්ධන මිල සංශෝධනය වුවද ත්‍රිරෝද රථ ගාස්තු අඩු නොකරන බවයි වෘත්තීය සමිති ප්‍රකාශ කළේ.
ත්‍රිරෝද රථ ගාස්තු සමාලෝචන කමිටුව හෙට රැස්වීමට නියමිත අතර එහිදී මේ සම්බන්ධයෙන් අවසන් තීරණයක් ගැනීමට නියමිතයි.
මේ අතර සමස්ත ලංකා පාසල් ළමුන්ගේ ප්‍රවාහන සංගමයේ සභාපති මල් ශ්‍රී ද සිල්වා මහතා පැවසුවේ ඩීසල් මිල අඩු කළ ද වාහන නඩත්තු වියදම් හේතුවෙන් පාසල් වෑන් රථ ගාස්තු අඩු කිරීමේ හැකියාවක් නොමැති බවයි.
