වාරියපොල, වල්පළුව ප්‍රදේශයේ නිවසකට ඇතුළු වූ සොරෙකු අල්ලා ගත් බවට 119 තොරතුරු මධ්‍යස්ථානයට ලැබුණු තොරතුරක් මත සිදුකළ විමර්ශනයකදී අදාළ පුද්ගලයා මියගොස් ඇති බව පොලීසිය සඳහන් කළේය.
ඊයේ (27) රාත්‍රියේ මෙම සිදුවීම සිදුව ඇත.
මියගොස් ඇත්තේ සුන්දරගම අවුලේගම ප්‍රදේශයේ පදිංචිව සිටි 33 හැවිරිදි අයෙක් බවයි පැවසෙන්නේ.
මියගිය පුද්ගලයා සැකකරුගේ බිරිඳ සමඟ අනියම් සබඳතාවක් පවත්වාගෙන ගොස් ඇති බවට විමර්ශනයේදී අනාවරණය වූ බවත්, මියගිය පුද්ගලයා සැකකරුගේ නිවසට පැමිණි අවස්ථාවේදී සැකකරු නිවසේ සැඟවී සිට මිටියකින් පහරදී ඇති බවත් පොලිසිය පවසයි.
මළ සිරුර සම්බන්ධයෙන් මහේස්ත්‍රාත් පරීක්ෂණයක් පැවැත්වීමට නියමිත අතර, ඝාතනය සම්බන්ධයෙන් ඉහත ලිපිනයේ පදිංචි 36 හැවිරිදි පුද්ගලයා අත්අඩංගුවට ගෙන ඇත.
