හිටපු අමාත්‍යවරුන් සහ රාජ්‍ය අමාත්‍යවරුන් භාවිතා කරන සියලුම රජයේ නිවාස සහ බංගලා කඩිනමින් ලබාදෙන ලෙස රාජ්‍ය පරිපාලන අමාත්‍යාංශය හිටපු අමාත්‍යවරුන්ට සහ රාජ්‍ය අමාත්‍යවරුන්ට ලිඛිතව දැනුම් දී තිබෙනවා.
රජයේ නිල නිවාස සහ බංගලා ලබාදීම සම්බන්ධයෙන් මේ වන විටත් හිටපු අමාත්‍යවරුන් සහ රාජ්‍ය අමාත්‍යවරුන් පහළොස් දෙනෙකුට ආසන්න පිරිසක් විමසීම් කර ඇති බව එම අමාත්‍යාංශයේ ආරංචි මාර්ග සඳහන් කළේය.
හිටපු ඇමැතිවරුන්ට, රාජ්‍ය ඇමැතිවරුන්ට සහ ආයතන කිහිපයකට රජය විසින් ලබාදී තිබූ කොළඹ රජයේ බංගලා සංඛ්‍යාව 50කි.
මේ අතර මහ මැතිවරණය පැවැත්වෙන දිනය දක්වා හිටපු මන්ත්‍රීවරුන්ට මාඩිවෙල මන්ත්‍රී නිවාස පරිහරණය කිරීමට අවසර ලබාදී ඇති බවද වාර්තා වේ.
එම නිවාස පාර්ලිමේන්තු මැතිවරණය පැවැත්වෙන දිනයේ හෝ ඊට පසු දින නැවත ලබාදිය යුතුයි.
පාර්ලිමේන්තුව විසුරුවා හැරීමත් සමඟ මන්ත්‍රීවරුන්ට ලබාදී තිබූ මුද්දර ගාස්තු ඇතුළු සියලු ආකාරයේ දීමනා සහ පහසුකම් අහෝසි විය.
