ග්‍රාම නිලධාරී වෘත්තීය සමිති සන්ධානය පවසා සිටියේ අද (2024/08/12) සිට ලබන 19 වැනිදා දක්වා කළු විරෝධතා සතියක් ප්‍රකාශයට පත්කර ඇති බවයි.
ග්‍රාම නිලධාරීන්ගේ අදහස් විමසීමකින් තොරව ග්‍රාම නිලධාරී ව්‍යවස්ථාවක් ගැසට් මගින් ප්‍රකාශයට පත් කිරීමට විරෝධය පළ කරමින් මෙම කළු විරෝධතා සතිය සංවිධානය කළ බව එහි සම සභාපති නන්දන රණසිංහ මහතා සඳහන් කළේය.
තවදුරටත් මේ පිළිබඳව අදහස් දැක්වූ ග්‍රාම නිලධාරී වෘත්තීය සමිති සන්ධානයේ සම සභාපති නන්දන රණසිංහ මහතා ප්‍රකාශ කර සිටියේ දිවයිනේ සියලු ප්‍රාදේශීය ලේකම් කොට්ඨාස නියෝජනය කරමින් ග්‍රාම නිලධාරීන් අද (2024/08/12) පෙරවරුවේ රාජ්‍ය පරිපාලන අමාත්‍යාංශ ඉදිරිපිටට කැඳවා විරෝධතාවයක නිරත වන බවයි.
