අද (2024/08/09) මධ්‍යම රාත්‍රියෙන් ජනාධිපතිවරණයට අදාළ තැපැල් ඡන්ද අයදුම්පත් භාර ගැනීම අවසන් වන බව මැතිවරණ කොමිෂන් සභාව විසින් ප්‍රකාශයට පත් කර ඇත.
පසුගිය 05 වැනිදා අවසන් වීමට නියමිතව තිබූ තැපැල් ඡන්ද අයදුම් පත් භාරදීමේ කාලය පසුව අද දිනය දක්වා දීර්ඝ කෙරුණි. අද දිනය තුළද රාජ්‍ය සේවකයින්ට තම තැපැල් ඡන්ද අයදුම්පත් ආයතන ප්‍රධානියා මාර්ගයෙන් දිස්ත්‍රික් මැතිවරණ කාර්යාලය වෙත යොමු කළ හැකි බව මැතිවරණ කොමිෂන් සභාව පවසා සිටියා.
මැතිවරණ කොමිෂන් සභාව වෙබ් අඩවිය තුළින් තැපැල් ඡන්ද අයදුම්කරුවන්ට අයදුම්පත් සම්පූර්ණ කිරීම සඳහා ඡන්ද හිමි නාම ලේඛනයේ ලියාපදිංචියට අදාළ තොරතුරු ලබාගත හැකි බවද මෙහිදී ප්‍රකාශ විය.
