අධ්‍යාපන ක්ෂේත්‍රයේ ගුරු වෘත්තියට බලපාන ප්‍රධාන ගැටලු දෙකක් විසඳීමට අධ්‍යාපන අමාත්‍යාංශය ක්‍රියාකාරීව කටයුතු කරමින් සිටින බව අධ්‍යාපන අමාත්‍ය සුසිල් ප්‍රේමජයන්ත මහතා පවසයි.
අධ්‍යාපන අමාත්‍යවරයා කියා සිටියේ මෙම ප්‍රයත්නයේ කොටසක් ලෙස අමාත්‍යාංශය විසින් මෙම ගැටළු පිළිබඳව සමාලෝචනයක් පවත්වා ඒවා නිරාකරණය කර කාලීන වැටුප් වර්ධක ලබා දීමට හැකි වන බවයි.
රාජ්‍ය සේවා කොමිෂන් සභාවේ ලේකම්වරයා මෙම ක්‍රියාවලිය කඩිනම් කිරීමට එකඟ වී ඇති අතර, අමාත්‍යාංශයෙන් අවශ්‍ය උපදෙස් ලැබීමෙන් පසු අපි ඒවා ලබන බදාදා වන විට පළාත් බලධාරීන් වෙත යොමු කරන්නෙමු
ඔහු වැඩිදුරටත් පැවසීය.
ආර්ථික අභියෝග මධ්‍යයේ වුවද ජාතික මට්ටමින් සහ පළාත් මට්ටමින් ගුරුවරුන් 16,000ක් යොදවා ගුරු හිඟයට රජය සාර්ථකව මුහුණ දී ඇති බවද අමාත්‍ය සුසිල් ප්‍රේමජයන්ත මහතා වැඩිදුරටත් පැවසීය.
සඳුදා ජනාධිපති මාධ්‍ය මධ්‍යස්ථානයේ පැවති මාධ්‍ය හමුවක් අමතමින් අධ්‍යාපන අමාත්‍යවරයා අධ්‍යාපන අමාත්‍යාංශය විසින් මෑතකාලීනව ගෙන ඇති ක්‍රියාමාර්ග හතක් ගෙනහැර දැක්වුවේය.
- ශ්‍රී ලංකාවේ පාසල් සිසුන් සඳහා 2025 වසරේ පාසල් නිල ඇඳුම් 100%ක් ලබාදෙන බව චීන රජය තහවුරු කර ඇත.2025 වසර සඳහා පාසල් පොත් දේශීය වෙළෙඳසල් වෙත බෙදා හැරීම අදින් ආරම්භ වේ.
- සිසුන් ලක්ෂ 17කට සෙත සැලසෙන ප්‍රධාන ජාතික පාසල් හැර අනෙකුත් සියලුම පාසල් සඳහා දිවා ආහාරය ලබාදීමට කටයුතු යොදා ඇත.
- කොරියානු ජාත්‍යන්තර සහයෝගිතා නියෝජිතායතනය (KOICA) සාගර විශ්වවිද්‍යාලයට ඇමෙරිකානු ඩොලර් මිලියන 85ක් ලබාදීමට සූදානම් වේ.
- විදේශ ආධාර නොලැබීම හේතුවෙන් ඇනහිට තිබූ අනෙකුත් විශ්වවිද්‍යාලවල සංවර්ධන කටයුතු ද යළි ආරම්භ වී තිබේ. මෙය විශ්වවිද්‍යාල පද්ධතියට මෙන්ම ඉදිකිරීම් ක්ෂේත්‍රයටද තීරණාත්මකය.
- ආර්ථික දුෂ්කරතා මධ්‍යයේ වුවද ජාතික හා පළාත් මට්ටමින් ගුරුවරුන් 16,000ක් පමණ පත්වීම් ලබාදීමට මෙම කාලය තුළ පහසුකම් සැලසී ඇත. මෙමගින් ගුරු හිඟය ඵලදායි ලෙස විසඳා ගැනීමට හැකි වී ඇත.
- සමස්ත පාසල් ජාලයම ඩිජිටල්කරණය කිරීමේ අරමුණින් උසස් තාක්ෂණික ස්මාර්ට් පුවරු 2700ක් පාසල් වෙත ලබාදීමට කටයුතු යොදා ඇත.
- ගුරු පුහුණුව සඳහා ඇමෙරිකානු ඩොලර් මිලියන 400ක් ලබාදීමට ආසියානු සංවර්ධන බැංකුව සැලසුම් කරයි.
