ශ්‍රී ලංකාව නියෝජනය කරමින් ඔලිම්පික් තරඟ සඳහා සුදුසුකම් ලබා ගත ක්‍රීඩක ක්‍රීඩිකාවන් ඇගයීම සඳහා ඔවුන්ට රු මිලියනය බැගින් ප්‍රධානය කිරීමේ අවස්ථාවක් ක්‍රීඩා ඇමති හරීන් ප්‍රනාන්දු මහතාගේ ප්‍රධානත්වයෙන් පැවැත්වුනා.
මීට සමගාමීව පසුගිය ආසියාතික තරඟ හා පැරා ඔලිම්පික් තරඟ වලදී පදක්කම් ලබා ගත් හා මුල් අට දෙනා අතරට පැමිණීමට සමත් වූ ක්‍රීඩක ක්‍රීඩිකාවන් හා පුහුණුකරුවන් සඳහා රු ලක්ෂ 1280ක මුදලක් ලබා දීමට සිදු වුණා.
මෙහිදී යොවුන් කෙටි දුර ධාවන ක්‍රීඩිකා තරුෂි කරුණාරත්න වැඩිම ත්‍යාග මුදලක් ලබා ගත් අතර ඇය විසින් දිනා ගත් ආසියානු ක්‍රීඩා රන් පදක්කම සඳහා රු මිලියන 15ක් හා ඇය සහභාගී වී ලබා ගත් සහය දිවීම පදක්කම සඳහා රු මිලියන 2.5 මුදලක් ප්‍රධානය කරනු ලැබුනා.
මෙම අවස්තාවේදී හරීන් ප්‍රනාන්දු ඇමතිවරයා රටේ පවතින අර්බුදකාරී තත්වය මැද වුවද මෙවැනි දේ වලින් ක්‍රීඩක ක්‍රීඩිකාවන් ඇගයීමේ වැදගත්කම අවධාරණය කල අතර රට නියෝජනය කිරීමේදී විනයගරුක වන ලෙසත් ජයග්‍රහණ ලබා ගැනීමට හා රට ඔවුන් කෙරෙහි තබා ඇති බලාපොරොත්තු ඉටු කිරීමට කැප වෙන ලෙසත් ඉල්ලා සිටියේය.
