ආහාර හෝ ජලය නොමැතිව පැය 42ක් රෝහල් සෝපානයක් තුළ පුද්ගලයෙක් සිරවී සිටි පුවතක් දකුණු ඉන්දියාවේ කේරළ ප්‍රාන්තයෙන් වාර්තා වෙනවා.
මෙම අනතුරට මුහුණ දී ඇත්තේ වයස අවුරුදු 59ක් වන පුද්ගලයෙක්.
ඔහු සෙනසුරාදා දහවල් වෛද්‍යවරයකු හමුවීමට සෝපානයට ඇතුළු වී ඇති අතර එය ක්‍රියාවිරහිත වීම නිසා මෙසේ ඔහු මෙම සෝපානයේ සිර වී ඇති බවයි වාර්තා වන්නේ.
කෙසේ නමුත් මේ වන විට එම පුද්ගලයා බේරාගෙන රෝහල් ගත කර ඇති අතර ඔහු විජලනයෙන් සහ කොන්දේ අමාරුව සඳහා ප්‍රතිකාර ලබන බවයි විදෙස් මාධ්‍ය සඳහන් කරන්නේ.
ඔහු පැවසුවේ තමා සිර වූ විට සෝපානයේ ලැයිස්තුගත කර ඇති හදිසි ඇමතුම් අංකයට ඇමතීමට උත්සාහ කළ නමුත් ප්‍රතිචාරයක් නොලැබුණු බවයි.
මම කලබල වීමට පටන් ගත් අතර සෝපානයේ දොරවල්වලට තට්ටු කිරීමට පටන් ගත්තා. එවිට මගේ දුරකථනය බිම වැටී ක්‍රියා විරහිත වුණා. මම උදව් ඉල්ලා කෑගසමින් මගේ දෑතින් දොරවල් ඇරීමට උත්සහ කළා. පස්සේ සෝපානය අඳුරු වුණා, නමුත් වාසනාවකට මෙන් හුස්ම ගැනීමට ප්‍රමාණවත් වාතය තිබුණා. පැය ගෙවී යද්දී, ඇතුළත තද කළුවර නිසා මට දවල් ද රාත්‍රිය ද යන්න ගැන අදහසක් තිබුණේ නැහැ. මහන්සි වුණාම මම මුල්ලක නිදාගත්තා. වැසිකිලි යාමට මට වෙනත් කොනක් භාවිතා කිරීමට වුණා.
