ශ්‍රී ලාංකිකයින් තිදෙනෙකු ඇතුළු කාර්ය මණ්ඩල සාමාජිකයින් 16 දෙනෙකු සමඟ සඳුදා ඕමාන් වෙරළට ඔබ්බෙන් තෙල් නැවක් පෙරළී ඇති බව සුල්තානේට් සමුද්‍රීය ආරක්ෂක මධ්‍යස්ථානය (MSC) පවසයි.
පෙරළීමට හේතුව සවිස්තරාත්මකව අනාවරණය කර නොමැති නමුත් සෝදිසි කිරීම් සහ මුදාගැනීමේ මෙහෙයුමක් මේ වන විට ක්‍රියාත්මක බව ඕමාන සමුද්‍රීය ආරක්ෂක මධ්‍යස්ථානය වාර්තා කළේය.
සමාජ මාධ්‍ය වේදිකාවක් වන X හි සටහනක MSC ප්‍රකාශ කළේ මෙලෙසයි.
මෙම යාත්‍රාව යේමනයේ ඒඩන් වරාය නගරය වෙත ගමන් කරමින් තිබූ බව වාර්තා වේ.
