රජය වෘත්තීය සමිති පාලනය කිරීමට උත්සාහ කළහොත් සමස්ත දුම්රිය සේවයේම වෘත්තීය සමිති එකතු වී සටන් කිරීමට කිසිසේත් පසුබට නොවන බව දුම්රිය ස්ථානාධිපතිවරුන්ගේ සංගමය අවධාරණය කරයි.
එම සංගමයේ සභාපති සුමේධ සෝමරත්න කියා සිටියේ දුම්රිය සේවකයින් කිසිදු හේතුවක් මත කඩාකප්පල්කාරී ක්‍රියාවක් සිදු නොකරන බවත්, ඔවුන්ගේ ඉල්ලීම්වලට කඩිනමින් විසඳුම් ලැබෙනු ඇතැයි තමන් විශ්වාස කරන බවත්ය.
තම වෘත්තීය සමිතියේ විධායක සභාව අද (11) පස්වරුවේ රැස්වී තම ඉල්ලීම් ලබා නොදුනහොත් ඉදිරි ක්‍රියාමාර්ග තීරණය කරන බවද ඔහු සඳහන් කළේය.
