ලංකා ප්‍රිමියර් ලීග් 2024 පන්දු වාර විස්සයි-20 තරඟාවලියේ ප්‍රථම තරඟය අද පල්ලෙකැලේ ජාත්යන්තර ක්‍රිකට් ක්‍රීඩාංගනයේදී පැවැත්වුණා. Dambulla Sixers සහ Kandy Falcons කණ්ඩායම් අතර පැවති තරඟයේදී කඩුලු 6ක් හා පන්දු 16ක් අතැතිව ජයග්‍රහණය ලබා ගැනීමට Kandy Falcons කණ්ඩායම සමත් වුණා.
පළමුව පන්දුවට පහර දුන් දඹුල්ල කණ්ඩායම නියමිත පන්දු වාර 20 තුළ කඩුලු 4ක් දැවී ලකුණු 179ක් රැස් කරගැනීමට සමත් වුණා. එහිදී මාර්ක් චැප්මන් නොදැවී ලකුණු 91ද, චමිඳු වික්‍රමරත්න නොදැවී ලකුණු 62ක් ද ලබා ගැනීමට සමත් වුණා. පන්දු යැවීමේදී Kandy Falcons වෙනුවෙන් දසුන් ශානක ලකුණු 20කට කදුලු 3ක් දවා ගත්තා.
තරඟයේ ජයග්‍රහණය සඳහා ලකුණු 180ක ඉලක්කයක් හඹා ගිය Kandy Falcons කණ්ඩායම පන්දු වාර 17.2 පමණක් වැය කර කදුලු 4ක් දැවී එම ඉලක්කය සම්පුර්ණ කිරීමට සමත් වුණා. එහිදී විශිෂ්ට පිතිහරඹයක යෙදුණු දිනේෂ් චන්දිමාල් ලකුණු 65ද, ඇන්ජලෝ මැතිව්ස් සහ දසුන් ශානක නොදැවී පිළිවෙලින් ලකුණු 37ක් හා 46ක් රැස් කිරීමට සමත් වුණා.
පිතිකරණය හා පන්දු යැවීම අංශ දෙකෙන්ම දක්ෂතා අතරට පැමිණෙමින් තරඟයේ වීරයාට හිමි සම්මානය දසුන් ශානක හිමි කර ගත්තා.
තරඟාවලියේ දෙවන තරඟය හෙට දින Galle Marvels හා Jaffna Kings කණ්ඩායම් අතර පල්ලෙකැලේ ජාත්යන්තර ක්‍රිකට් ක්‍රීඩාංගනයේදී හවස 3.00ට පැවැත්වීමට නියමිතයි.
