මූල්‍ය වංචාවක් සම්බන්ධයෙන් එල්ල වූ චෝදනාවක් හේතුවෙන් දක්ෂිණ අධිවේගී මාර්ගයේ අතුරුගිරිය හුවමාරුවේ ප්‍රවේශපත්‍ර නිකුත් කිරීම අද අත්හිටුවා ඇති බව මාර්ග සංවර්ධන අධිකාරියේ (RDA) නිලධාරියෙක් පැවසීය.
අද (26) අතුරුගිරිය අධිවේගී මාර්ග හුවමාරුවෙන් වාහන ඇතුළු වන විට ප්‍රවේශපත්‍ර නිකුත් නොකළ බව ඔහු තවදුරටත් පැවසීය.
රුපියල් මිලියන ගණනක මූල්‍ය වංචාවක් සම්බන්ධයෙන් කොළඹ පිටත වටරවුම් අධිවේගී මාර්ගයේ අතුරුගිරිය අන්තර් හුවමාරුවේ ප්‍රධාන අයකැමිවරයා ඇතුළු අයකැමිවරුන් 22 දෙනෙකුගේ වැඩ තහනම් කර තිබේ.
ගාස්තු ලෙස රියදුරන් ගෙවන මුදලට ටිකට්පත් ලබා නොදී රුපියල් මිලියන ගණනක වංචාවක් සිදුකිරීම හේතුවෙන් ඔවුන්ගේ වැඩ තහනම් කෙරුණා.
නමුත් ගැලනිගම අන්තර් හුවමාරු මධ්‍යස්ථානයේ සේවකයින් කිහිප දෙනෙකු මුදල් එකතු කිරීම සඳහා එහි තාවකාලිකව යොදවා තිබුණා.
