යාපනයේ මරදන්කේණී, තාලෙයිඅඩි ප්‍රදේශයේදී රුපියල් මිලියන 12 ක් පමණ වටිනා කේරළ ගංජා කිලෝ ග්‍රැම් 135ක් වෙත්තිලකේණී නාවික හමුදා කදවුරේ නිලධාරීන් හා පොලිස් විශේෂ කාර්ය බලකායේ නිලධාරීන් එක්ව ඊයේ (13) අත්අඩංගුවට ගෙන තිබෙනවා.
නාවික හමුදාවේ බුද්ධි අංශයේ නිලධාරීන්ට ලැබුණු ඔත්තුවක් මත ඔවුන් කේරළ ගංජා තොගය සගවා තිබූ ස්ථානයට යන විට ඒවායෙහි අයිතිකරුවන් පලා ගොස් සිටි බවයි නාවික හමුදාව ප්‍රකාශ කළේ.
මෙම කේරළ ගංජා තොගය ගෝනි හයක දමා ඉතා සුරක්ෂිතව තැන්පත් කොට තිබූ අතර ඒවා වෙනත් ප්‍රදේශයකට රැගෙන යාමේ අරමුණින් මේ ස්ථානයේ සඟවා තබන්නට ඇතැයි නාවික හමුදාව විස්ශ්වාස කරන බවයි අප වාර්තාකරු සඳහන් කළේ.
මෙම කේරළ ගංජා තොගය වැඩිදුර පරීක්ෂණ කටයුතු සදහා මරදන්කේණී පොලීසිය වෙත බාර දී තිබෙනවා.
